Mga Alert Level ng Bulkang Taal
Alamin ang tamang kilos sa bawat antas ng alerto.
Unawain ang mga alert levels ng Bulkang Taal
Ang Bulkang Taal ay patuloy na binabantayan ng PHIVOLCS. Mahalaga na alam ng bawat mamamayan ng San Nicolas kung ano ang ibig sabihin ng bawat alert level at kung ano ang mga dapat gawin.
Alert Level 0
Alert Level 1
Alert Level 2
Alert Level 3
Alert Level 4
Alert Level 5
Tahimik ang Bulkang Taal. Walang senyales ng pagputok, at ligtas ang mga lugar sa paligid. Normal ang temperatura ng lawa, at walang kakaibang amoy o usok.
May kaunting galaw na nararamdaman sa bulkan. Maaaring may mahihinang pagyanig, bahagyang pag-init ng tubig sa lawa, o kaunting usok mula sa crater. Ibig sabihin, aktibo ang bulkan, pero hindi pa delikado.
Mas madalas na ang pagyanig, at may pagtaas ng gas emission (tulad ng sulfur dioxide). Maaaring may pagbabago sa kulay ng lawa o pag-init ng tubig. Lumalakas na ang senyales na maaaring umakyat ang magma.
May malinaw nang palatandaan ng pag-akyat ng magma. Maaaring pumutok ang bulkan sa loob ng ilang araw o oras. Malalakas na lindol, makapal na usok, o pagbabago sa kulay ng tubig sa lawa ay karaniwang nakikita sa ganitong antas.
Malakas at mapanganib na pagsabog ay maaaring mangyari sa loob ng ilang oras. Makikita ang makapal na usok, abo, at pagbuga ng bato mula sa bulkan.
Ang bulkan ay pumutok na. Malakas ang pagsabog, may pag-ulan ng abo, bato, at posibleng lahar. Delikado ang manatili kahit sa paligid lamang ng lawa.
Ano ang mga dapat gawin:
1. Maaari kayong magpatuloy sa normal na gawain, pangingisda, pagsasaka, o pagtitinda, ngunit manatiling alerto.
2. Alamin kung saan ang mga evacuation center ng inyong barangay.
3. Dapat palagi i-ready ang iyong go bag.
4. I-save sa cellphone ang mga emergency contact tulad ng San Nicolas MDRRMO at iyong barangay hotlines.
Ano ang mga dapat gawin:
1. Maging alerto at makinig sa balita mula sa PHIVOLCS o LGU San Nicolas (huwag maniwala agad sa mga post sa social media).
2. Iwasan muna ang pagpunta sa main crater at Taal Volcano Island.
3. Siguraduhin na laging handa at nakikita agad ang go bag.
4. Maghanda ng planong pangkaligtasan kasama ang pamilya — sino ang uunang lilikas, saan pupunta, at paano makikipag-ugnayan.
Ano ang mga dapat gawin:
1. Maging handa sa posibleng paglikas kung lalong tumaas ang alert level.
2. Kunin agad ang go bag para mabilisan makalikas.
3. Bantayan ang mga anunsyo mula sa San Nicolas MDRRMO, lalo na kung nakatira ka malapit sa lawa.
4. Iwasan ang pagpunta sa paligid ng lawa at crater.
Ano ang mga dapat gawin:
1. Dalhin ang iyong go bag at magsimula nang lumikas kung ikaw ay nasa loob o malapit sa danger zone (Taal Volcano Island at baybayin ng lawa).
2. Sundin agad ang abiso ng MDRRMO San Nicolas at huwag hintayin ang personal na tawag.
3. Huwag nang bumalik sa bahay hangga’t walang abiso ng LGU kahit mukhang tahimik na ang bulkan.
Ano ang mga dapat gawin:
1. Agad na lumikas kung hindi pa nakakalikas. Huwag nang maghintay ng personal na abiso; kapag nasa danger zone, umalis ka na.
2. Iwasang bumalik o tumingin sa bulkan. Mapanganib ang volcanic bombs at abo.
3. Magsuot ng N95 mask o basang tela para hindi malanghap ang abo (lalo na sa matatanda at mga bata).
4. Huwag magmaneho kung makapal ang abo sa kalsada, madulas at halos walang makitang daan.
5. Manatiling nakikinig sa mga anunsyo mula sa LGU San Nicolas Official Page at PHIVOLCS.
Ano ang mga dapat gawin:
1. Manatili sa evacuation center. Huwag bumalik sa bahay kahit pa humina pansamantala ang usok.
2. Iwasan ang pag-inom ng tubig sa bukas na lalagyan o poso na maaaring nalagyan ng abo.
3. Isara ang mga bintana ng evacuation area upang hindi makapasok ang alikabok.
4. Kapag bumuhos ang ulan, iwasan ang baha na may putik o abo dahil maaaring mainit at delikado.
5. Hintayin lamang ang opisyal na pahayag ng LGU San Nicolas bago bumalik sa bahay.
